7 Lights Powder Illuminator

Ein ny bestevenn i sminkemappa mi.

For ei lita stund sidan var me jentene fra jobben på nyheitskurs hos Shiseido, og der er me alltid så heldige å få flotte gaver. Denne gangen var dette pudderet ein av dei, og eg er heilt forelska! Det er eit unikt kompakt pudder med sju forskjellige fargar for å både hente fram det beste i huden din og for å gi deg ulike effektar, alt etter ønske. Du kan bruke pudderet i heile ansiktet, som blush, som highlighter, contouring og faktisk som øyenskygge! Ganske kult, ikkje sant?

Så om du er på utkikk etter eit alt-i-eitt produkt som både gir glød, fuktigheit, mattar ned, skjuler porer og gir meir liv til huden vil eg absolutt anbefale deg å sjekke ut dette her. I tillegg er det jo heilt perfekt å ha med seg i veska for å freshe opp sminken i løp av dagen eller kvelden.

Share on FacebookTweet about this on TwitterGoogle+Pin on Pinterest

Girl power!

Hurra hurra for alle vakre og sterke kvinner!

Kvinnedagen er ein dag for feiring, men også ein påminnelse om at me fortsatt har ein veg å gå, spesielt enkelte plassar og for å ikkje snakke om andre land. Likevel er kvinnedagen for meg ein dag der ein skal minne kvarandre på kor viktig det er at me støttar kvarandre, løftar kvarandre opp og står i lag. For tenk så sterke og bra me er i lag. Så jenter, la oss bli enda flinkare til det <3

Share on FacebookTweet about this on TwitterGoogle+Pin on Pinterest

SAINT LAURENT UNIVERSITÉ

Klassisk, tidlaus og heilt perfekt.

Det var eigentleg ein tilfeldigheit at eg kom over denne veska, og etterpå klarte eg ikkje slutte å tenke på den. Den var jo heilt perfekt! Tidlaus, klassisk, og veldig elegant, men samtidig ikkje for feminin. Den har to stropper, noke som passa meg heilt perfekt! Den eine er den klassiske skinnstroppa, mens den andre er ei i stoff med litt størrelse på – perfekt for kvardag og ein litt tøffare look.

Så på lørdag når eg endeleg trippa ut av Egertorget med denne i posen kunne eg ikkje anna enn å smile. Herregud for ein følelse. Eg trur dei fleste som har jobba hardt og spart til noke lenge skjønnar kva eg meinar. Anten om det er ein opplevelse, reise eller ein ting. Følelsen er rett og slett magisk.

Share on FacebookTweet about this on TwitterGoogle+Pin on Pinterest

Smoothiebowl

Smoothiebowl er og blir ein stor favoritt. Det beste er at du kan variere absolutt alt, og ha nye smakar kvar dag. Sjølv pleier eg å laga sjølve smoothien av fryste jordbær, blåbær, skogsbær, bringebær, ei banan og anten juice eller yoghurt! Til topping brukar eg veldig masse forskjellig. Gojibær, tørka kokos, havre, banan, blåbær, bringebær, mango, kiwi eller noke anna digg. Det er så utruleg mange muligheitar, og butikkane får stadig inn meir og meir spennande. Før var gojibær osv ting ein måtte kjøpe på helsekost, men no finner du faktisk veldig masse spennande på typ Kiwi. Veldig kjekt!

Smoothie er perfekt som både frukost, lunch, kvelds eller som mellom-måltid! Sjølv synst eg det er heilt fantastisk som frukost da eg ofte ikkje har så mykje matlyst om morningen, men veit kor ekstremt viktig det er å få i seg litt mat.

Share on FacebookTweet about this on TwitterGoogle+Pin on Pinterest

Yummy

Dei dagane eg studerer heime prøver eg å vere flink til å få i meg mat, og ein stor favoritt er salat. Eg pleier å variere fra dag til dag, men ein stor favoritt er den du ser på bildet over.

Den er veldig veldig enkel, og det einaste du trenger er ein pose med salatblanding(eg brukar å variere alt etter kva som fristar), fetaost med soltørka tomat og valgfrie nøtter.

Her er det kun fantasien (eller kjøleskapet) som setter grenser. Eg ville gjerne ha hatt med både tomat og avokado også, men denne gangen blei det enkelt! Godt, mettande og smakfullt. Ein perfekt lunch.

Share on FacebookTweet about this on TwitterGoogle+Pin on Pinterest

Clarins + Ren

Om vinteren er eg heilt avhengig av masse fuktigheit og gode produkt til huden min. Ein supergod rens, serum, dagkrem/nattkrem, og masker ved behov. Ofte finner eg produkt eg likar veldig godt, men dei gir rett og slett ikkje nok fuktigheit. Uansett kva eg gjer følest huden både dehydrert og tørr. No har eg likevel funne tre fantastiske produkt som hjelper meg veldig på veg, i tillegg til at eg er flink å drikke masse vatn, og får i meg både vitaminer og Omega-3.

REN Lip Balm

Ein supergod leppebalm som gir masse fuktigheit og næring til leppane. Etter eg blei anbefalt denne på jobb har det ikkje gått ein dag utan, og eg har både ein og to. Ein i veska og ein på nattbordet. Det aller beste med den her er at den er enkel å påføre, samtidig som den verken er veldig glinsande, feit eller har farge. Nettopp av den grunnen er denne også kjempefin til gutar. Så denne kan du lett dele med kjæresten din!

REN Flash Hydro-Boost

Denne her magiske tingen blei lansert i høst, og siden den gang har eg vore avhengig! Dette er ein fuktbooster til huden. Den tilfører masse fuktigheit samtidig som den har ein plumping effekt. Med andre ord perfekt for å redusere fine linjer og forhindre dehydrering. Denne skal påførest før dagkrem/nattkrem og kan brukast dagleg. Heilt genialt, ikkje sant? Den har blitt ein av mine absolutte favorittar på badehylla, og det skal gjerne litt til.

Clarins Hydra-Essentiel Cream

Ein av bestselgaren fra Clarins har no blitt fornya, og resultatet er kremen du ser på bildet over. Ein dag & nattkrem i eitt som gir masse fuktigheit, glød og næring til huden. Ein av dei nye tinga med denne kremen er at den inneheld anti-forurensings komplex. Med andre ord skal den også vere beskyttande mot forurensing. Me var så heldige å få denne her på nyheitskurset til Clarins, og eg har allerede rukket å bli veldig glad i den. Den kjennest veldig god ut på huden, og gir meg masse fuktigheit.

Share on FacebookTweet about this on TwitterGoogle+Pin on Pinterest

Food + Oslo = Love

Etter å ha budd i Oslo i 1,5 år no føler eg meg litt klar for å begynne å fortelle litt om mine favorittar og favorittplassar. Det er sjølvsagt veldig mange spennande plassar eg ikkje har prøvd ut enda, men her er vertfall fem favorittar i byen når det gjelder mat.

1. Delicatessen.

Er du gira på tapas er dette absolutt plassen å gå. Dei har tre restauranter her i Oslo om eg ikkje tar feil, men me er alltid på den på Grünerløkka. Både fordi det er ein kort spasertur unna, og fordi ein ikkje kan booke bord der. Med andre ord perfekt for oss som finner ut at ein vil ete ute i siste liten. Du risikerar gjerne litt venting, men da kan ein anten sitte ute med eit glas vin, sitte i baren eller rusle litt rundt i nærområde. Maten er heilt fantastisk, og dei har eit godt utvalg. Stemninga er intim og koselig, og servicen er alltid toppers!

2. Taco Republica.

Verdens beste taco! Taco Republica serverar taco på den ekte – meksikanske måten, og det er heilt magisk. Ein bestiller gjerne 2-3 per stykk, med ulike «toppingar». Eg elskar den med kylling, og den med både chorizo, kylling og storfe(?).  I tilegg til veldig bra mat har dei også spennande drinkar. Her vil eg gjerne anbefale å booke bord da det ofte er veldig fullt.

3. Villa Paradiso

Byens beste pizza? Me bur desverre litt for nærme Villa Paradiso, så her blir det ofte eit besøk eller take-away! Pizzaen er fantastisk, og det samme er både frukosten og lunchen dei serverar. Eg vil gjerne anbefale Dialova eller Parma viss du vil gå for pizza! Her kan det også vere lurt å booke bord om du ikkje vil risikere å måtte vente ei god stund. Villa Paradiso finst både på Frogner og på Grünerløkka.

4. Süd Øst

Ein miks mellom asiatisk og europeisk. Ein smaksopplevelse utan like! Süd Øst er ein av mine favorittar når me vil ha det vetle ekstra. Her har me både feira min bursdag, Mats sin bursdag og kosa oss gløgg i hel. Dei har ein fantastisk meny med veldig mykje spennande, men me ender ofte opp med smaksmenyen som heiter Yang. Den kostar 485 kroner per pers, og er ein bit av himmelen. Ein av dei beste smaks-opplevelsane eg har hatt i heile mitt liv. I tilegg har dei veldig mange gode drinkar, og ellers mykje bra! Her MÅ du booke bord, og kleskoden er gjerne litt finare enn dei andre plassane. Det står i stil til det veldig delikate og flotte lokalet.

5. Kverneriet

Denne her plassen tok hamburger til ein ny dimensjon! Fantastiske burgarar, fantastisk lokal og veldig god service. Det som er det negative med denne plassen er at det nesten er umuleg å få bord. Her må du anten vente 1t, eller booke i veldig lang tid på forhånd. Det eg derimot har hørt rykter om er at det kjem ein til restaurant her i Oslo om ei stund, så det gledar eg meg veldig til! Dette er vertfall plassen for supergode hamburgarar med ulike toppingar og smaker, og ekstremt gode fries! Trøffel og persille er ein stor favoritt hos meg.

Om du har ein favoritt som ikkje er med på lista her, tips meg gjerne!

Share on FacebookTweet about this on TwitterGoogle+Pin on Pinterest

Instant Light Lip Comfort Oil

På nyheitskurset til Clarins var me så heldige å fekk med oss ein goodiebag heim, og eit av produkta var denne magiske tingen her. Ein leppeolje som gir både superfin farge & glød, og som pleiar og gir næring til leppane. Det eg kanskje likar aller best med den er at den luktar heilt HIMMELSK! Ein perfekt miks mellom bær og godteri.

Denne heiter 02 Rasberry, men dei kjem også i andre smakar og fargar. Ein liten ting eg kan røpe er at det kjem ein spennande nyheit for oss som er glade i mint litt seinare i år! Det gledar eg meg veldig masse til. Enn så lenge skal eg klare meg veldig fint med den her.

Ps. Du får kjøpt desse hos Fredrik og Louisa, og andre parfymeri som fører Clarins, og dei har ein fin pris på 195 kroner.

Share on FacebookTweet about this on TwitterGoogle+Pin on Pinterest

Remove-it & Oil-it

Eg er alltid på jakt etter nye og spenannde produkt. Produkt som gjerne gjer kvardagen litt enklare, og litt diggare, om det er lov å sei. Remove it er ein neglelakkfjernar som er basert på soyabønner og naturlige ingredienser. Den fjernar skånsom lakken samtidig som den pleier, og har både A, C og E vitamin. Med andre ord ein fjernar som er skånsom og som ikkje tørkar ut neglene, slik andre kan gjer. Eit anna stort pluss er at den luktar veldig godt, noke som heller ikkje er så vanleg.

Det andre produktet er eit serum for både neglebånd og hender, Oil it. Serumet er i likheit med Remove it basert på soyabønner og naturlige ingredienser, og inneheld både arganolje, lavendell, vitamin A, C og E. Denne er heilt perfekt å bruke etter at du har fjerna lakken, eller når du føler deg tørr og treng den ekstra pleien. Ein veldig god venn no om vinteren når både negler og hud trenger all den pleie dei kan få.

Share on FacebookTweet about this on TwitterGoogle+Pin on Pinterest

Fashion books

Første gang eg fekk opp augene for desse vakre bøkene var i Paris for ein del år tilbake. Me gjekk tilfeldigvis innom ein bokhandel, og det skulle vise seg å vere eit paradis for oss som er interessert i mote og fotografi. Butikken var full av spesielle og unike bøker. Bøker med fantastiske fotografi, vakre mennesker og spennande historiar.

Eg gjekk lykkelig ut igjen med ein litt for tung pose, som seinare skulle vise seg å bli ein fin liten samling. Alt fra mote gjennom tidene til bøker om Chanel og Audrey Hepburn. Begge veldig vakre og spesielle kvinner.

I tillegg til at bøkene er fantastiske for å både lese og kikke i, så er dei også superfine som dekor i heimen. Gjerne på stovebordet, spisebordet, hyller eller på nattbord. Her er det kun fantastien som setter grenser.

Share on FacebookTweet about this on TwitterGoogle+Pin on Pinterest