Etter Uluwatu stod Ubud for tur. Ein plass som me hadde høyrt veldig mykje om, og som me var både spente og nysgjerrige på å utforske. Ville plassen leve opp til forventningane? Svaret er både ja og nei.

Processed with VSCO with e7 preset

Fra Uluwatu til Ubud reiste me med taxi. Det var relativt greit sett vekk i fra sjukt masse trafikk, og mangen nesten-ulykker, men det trur eg ein må forvente når ein er i trafikken i Bali. Det MÅ opplevast! I Ubud hadde me booka rom på Champlung Sari. Hotellet ligger veldig sentralt til som nabo til Monkey Forrest, og er dermed heilt perfekt for deg som vil komme tett på dyrelivet i Bali. Her går det alltid aper rundt, og dei forsyner seg gjerne med det dei får tak i. For eksempel var det ei dame som blei frastjålne badeskoa sine mens ho svømte. Kva skal vel ein apekatt med badesko?! Det er også heilt umuleg å sitte på verandaen å for eksempel ta seg ei brus, da kjem dei hoppande fra eit tre. Så om du derimot vil ha avslapping og luksus er ikkje dette plassen for deg. Da ville eg heller ha sjekka alle dei fantastiske hotella som ligger litt utafor sentrum.

Processed with VSCO with a9 presetProcessed with VSCO with j5 preset

Ubud er ein rar miks mellom støy og mas, og avslappande og vakkert. Det er mykje støy, trafikk som aldri stoppar og spørsmål om massasje eller taxi for kvar meter du går. Likevel vil du finne sjarmerande butikkar, koselige kafear, sjarmerande marker og verdens beste taco på Taco Casa. Om du derimot bevegar deg ut av sentrum vil du finne dei magiske plassane du ser på instagram. Tegalalang Rice Terrace og Campuhan Ridge Walk er absolutt å anbefale, men skal du besøke plassane så gjer det om morningen, eller seint på kvelden. Midt på dagen er det fullt i turistar, og du går rett og slett i kø. Om du derimot får plassane for deg sjølv er det heilt magisk.

Processed with VSCO with j2 presetProcessed with VSCO with a9 presetProcessed with VSCO with a6 presetProcessed with VSCO with a9 preset

Ubud er heilt fantastisk og unikt på mange måtar, men på ein anna måte er det lett å bli litt skuffa. Ting er gjerne ikkje sånn som det ofte kan virke når ein skrollar nedover på instagram eller leser på bloggar, og mange av dei største turist-attraksjonane har blitt relativt øydelagte av turistane. Trist, men sant. Likevel er Ubud eit must å besøke når ein er i Bali, men 2-3 dagar er absolutt nok. Me hadde fem, og det var gjerne tre dagar for mykje. Du rekker over veldig mykje på ein dag.

Følg med videre på del 3.

Du veit alle dei konkurransane på instagram der ein kan vinne ved å tagge ein venn? Dei konkurransane ein gløymer litt rett og slett fordi ein aldri vinner? I forrige veke skjedde nettopp det utrulige. Eg og bestevenninna mi vant nettopp ein sånn konkurranse. Ein drømmedag med Steen og Strøm under Oslo Runway!



Marlen kasta seg på natttoget fra Bergen, og me hadde verdens beste døgn i lag. Me starta dagen med å velge oss ut eit antrekk fra Line of Oslo på Steen og Strøm, og seinare venta både makeup, lunch og fiksing av hår av Adam og Eva. Eg trur me begge følte oss som verdens heldigaste jenter der me satt. Når me var ferdig styla rusla me bort på Sentralen der den første visninga til Line of Oslo venta. Det var også min første motevisning, så eg visste ikkje heilt kva eg skulle forvente. Den eine etter den andre moteprofilen dukka opp, og rekkene fyllte seg med velkledde og spennande mennesker. Lyset gjekk av og ut kom vakre jenter med like vakre antrekk.




Visninga var veldig fin og over all forventning, og eg gledar meg allerede til kolleksjonen kjem ut i butikk. Eg har nemleg sett meg ut både to og tre ting eg gjerne vil ha. Etter visninga rusla me tilbake til Grünerløkka, og tilbrakte resten av kvelden på favorittplassen, Villa Paradiso.

Kor skal eg eigentleg begynne? Bali var heilt fantastisk. Det er så utruleg mange vakre plassar der, og så mykje å både gjer og sjå. Me hadde i utgangspunktet to veker, men to veker blei plutseleg til tre. Likevel følte me oss ikkje “ferdige” eller klare til å reise heim i det heile. Så husk å ha litt tid, spesielt om du vil oppleve fleire plassar. Sjølv om Bali var veldig spennande og flott, var det veldig slitsomt. Eg trur dei som har vore der kan kjenne seg igjen i det eg skriver. Eg har aldri vore ein plass der folk har vore så pågåande, eller ein plass med så sinnsjukt mykje trafikk. Likevel hadde me ein heilt super ferie, og Bali er faktisk eit must å oppleve ein eller anna gang iløp av livet.


Uluwatu

Den første destinasjonen i Bali var Uluwatu. Der hadde me booka rom på Suarga Resort Padang Padang Beach. Eg trur det einaste ordet som kom ut av munnen vår når me endeleg kom fram var ” wow “. Eit utruleg vakkert og unikt hotell med den mest magiske utsikten ein kan tenke seg! Rommet vårt blei oppgradert til ein villa, og me hadde det heilt perfekt. På hotellet har dei også ein restaurant som me faktisk endte opp med å ete på omtrent kvar kveld(!). Rett og slett fordi maten var så sinnsjukt god, og fordi hotellet ligger litt vanskeleg til, og ein er avhengig av scooter eller taxi for å bevege seg rundt. Som det aller meste i Uluwatu.




Naturen og landskapet er heilt unikt i Uluwatu, og det er der ein finner dei flotte strendene. Me besøkte blant anna Padang Padang beach og Dreamland Beach. Sjølv om strendene er veldig flotte er det ikkje hit du reiser for å bade. Faktisk bada eg ikkje her i det heile. Bølgene er på størrelse med fjell, og det passar seg absolutt best til surfing. Men soling derimot, det har ein mykje tid til her! Eit lite tips er å komme relativt tidelig på dei mest populære plassane for det fyller seg fort opp. Spesielt Padang Padang beach.


Ellers er Uluwatu ein veldig rolig plass. Folk er der somregel for å slappe av, på bryllupsreise eller for å surfe. Er du på tur for å feste eller på tur med vennegjengen ville eg heller kikka på ein anna destinasjon som base, og heller ta dagsturar til Uluwatu. Me blei derimot heilt forrelska, og angra på at me ikkje tok oss enda meir tid der. Ein ting er vertfall heilt sikkert, me skal tilbake eingang!

Følg med videre på del 2.

I begynnelsen av mai var eg så utruleg heldig at eg fekk reise til London med REN i samarbeid med jobben. Me hadde noken heilt fantastiske dagar med jobb, hygge og god mat! Det er ein del år sidan eg besøkte London sist, og eg hadde nesten gløymt kor utruleg fin og sjarmerande byen er. For London er verkeleg ein sjarmerande by, med både masse å gjer og sjå. Så eg har allerede bestemt meg at eg må tilbake snart.




Me budde på Henrietta Hotel, og herregud for eit kult, gjennomført og fint hotell! Dei hadde faktisk ikkje opna for booking enda når me budde der, så eg var den første som overnatta på rommet. Kor kult er ikkje det? Sjølve rommet var så utruleg lekkert og gjennomført, og badet var som ein draum. Heilt magisk! Hotellet låg ca to minutt fra Covent Garden, så plasseringen var heilt fantastisk.





Det vart ikkje så mykje tid til verken shopping eller turistattraksjonar, men det gjorde faktisk ingenting. Me hadde det så hyggeleg med REN, og dei hadde laga eit heilt supert program for oss. Me blei introdusert for nyheitane som kjem framover, og her har me alle noke å glede oss til! Det kjem ein ny serie for kropp, og den er heilt fantastisk. Me var så heldige å få med oss både body lotion, skrubb og dusjsåpe heim, og eg er forelska allerede. Produkta er rett og slett fantastiske!

4D2BAE63-17D8-4B76-AB03-4F2006803610

I påsken var eg og mamma i København, og for ein herleg by! Eg har vore der fleire gangar før, men eg føler meg aldri heilt ferdig med å utforske byen. Så å få enda bedre tid denne gangen passa meg heilt perfekt! Det aller beste med turen var nok å endeleg få litt kvalitetstid med mamma igjen. Det var både etterlengta og veldig nødvendig.

Me budde på Babette Guldsmeden, og det var heilt fantastisk. Hotellet har basert seg på eit økologisk / organisk konsept, og det var så utruleg kult og gjennomført. Maten var heilt fantastisk, romma var veldig unike og spesielle, og toalett-artiklane var så utruleg kule! Trur både eg og mamma blei veldig betatt av stilen, og alle dei gode såpene som du fant på rommet. I tillegg er plaseringen heilt fantastisk. Eit par minutt fra Den Lille Havfrue, og ca 7-8 minutt til Nyhavn, maks.



Sidan me valgte å reise midt i påsken var det meste av butikkar stengt stort sett kvar dag, men det passa oss faktisk heilt perfekt! Eg trur me alle har opplevd å gå i den fella med at 80 % av tiden har gått vekk til å rusle rundt i butikkar. Denne gangen fekk me derimot sjå og oppleve litt andre ting, slik som Dyrehaven. Dyrehaven er eit skogsområde litt utanfor sentrum, og der kan ein både rusle på tivoli, vere med på ridetur, eller rusle innover skogen og sjå det fine slottet, og alle hjortane som bur der. Veldig fin og spesiell opplevelse, og ein perfekt pause fra byen.



Ellers er det veldig mykje fint å sjå og gjer i sjølve byen. Den botaniske Have, Tivoli Nyhavn, Rosenborg Slot, Det Runde Tårn, Kastellet, Kongens Have, Strøget og enda meir. Sjølv er eg veldig glad i å faktisk berre rusle rundt i byen. Så mange fine og sjarmerande gater.

Ein anna ting som eg gjerne vil anbefale er Copenhagen Street Food. Det er ein fabrikkhall som har blitt gjort om til ein stor mathall, og du finner allslags mat der. Der kan du kjøpe litt av alt, ein god drink eller ei øl, og sette deg ned og berre nyte livet ei stund. Veldig kult konsept, og fine prisar!






Ein av dei tinga som eg synst er heilt fantastisk med København, sett vekk i fra alt det eg nettopp har skrevet, er all den gode maten. Ein av favorittane mine er 42RAW. Ein veldig populær plass med veldig god mat! Her snakkar me veldig “instagramfood”. Me bestilte “brunch” og det er ein tallerken med miks av forskjellige rettar. Pannekaker, søtpotet fries, brød, avokado, musli og enda meir. Med andre ord, ein perfekt start på dagen! Når det kjem til middag endte me faktisk opp med å ete på hotellet to av kveldane, så det var ikkje så mykje me rakk å prøve ut der. Det me derimot rakk var den italienske restauranten Fiat. Ekstremt god mat, bra service og veldig sjarmerande og fint lokal. Eit must er å bestille Caprese til forrett. Det er uten tvil den beste eg har fått servert. Til hovudrett åt me begge pasta, og det supergodt!

I tillegg til desse har er fått anbefalt Mad & Kaffe, Grød, Pluto, Madklubben Bistro, Kødbyens Fiskebar og Aamanns. Så dei skal eg definitivt sjekke ut neste gang!