Forfatterarkiv: monicaflatland

Bali guide – del 1

Kor skal eg eigentleg begynne? Bali var heilt fantastisk. Det er så utruleg mange vakre plassar der, og så mykje å både gjer og sjå. Me hadde i utgangspunktet to veker, men to veker blei plutseleg til tre. Likevel følte me oss ikkje «ferdige» eller klare til å reise heim i det heile. Så husk å ha litt tid, spesielt om du vil oppleve fleire plassar. Sjølv om Bali var veldig spennande og flott, var det veldig slitsomt. Eg trur dei som har vore der kan kjenne seg igjen i det eg skriver. Eg har aldri vore ein plass der folk har vore så pågåande, eller ein plass med så sinnsjukt mykje trafikk. Likevel hadde me ein heilt super ferie, og Bali er faktisk eit must å oppleve ein eller anna gang iløp av livet.


Uluwatu

Den første destinasjonen i Bali var Uluwatu. Der hadde me booka rom på Suarga Resort Padang Padang Beach. Eg trur det einaste ordet som kom ut av munnen vår når me endeleg kom fram var » wow «. Eit utruleg vakkert og unikt hotell med den mest magiske utsikten ein kan tenke seg! Rommet vårt blei oppgradert til ein villa, og me hadde det heilt perfekt. På hotellet har dei også ein restaurant som me faktisk endte opp med å ete på omtrent kvar kveld(!). Rett og slett fordi maten var så sinnsjukt god, og fordi hotellet ligger litt vanskeleg til, og ein er avhengig av scooter eller taxi for å bevege seg rundt. Som det aller meste i Uluwatu.




Naturen og landskapet er heilt unikt i Uluwatu, og det er der ein finner dei flotte strendene. Me besøkte blant anna Padang Padang beach og Dreamland Beach. Sjølv om strendene er veldig flotte er det ikkje hit du reiser for å bade. Faktisk bada eg ikkje her i det heile. Bølgene er på størrelse med fjell, og det passar seg absolutt best til surfing. Men soling derimot, det har ein mykje tid til her! Eit lite tips er å komme relativt tidelig på dei mest populære plassane for det fyller seg fort opp. Spesielt Padang Padang beach.


Ellers er Uluwatu ein veldig rolig plass. Folk er der somregel for å slappe av, på bryllupsreise eller for å surfe. Er du på tur for å feste eller på tur med vennegjengen ville eg heller kikka på ein anna destinasjon som base, og heller ta dagsturar til Uluwatu. Me blei derimot heilt forrelska, og angra på at me ikkje tok oss enda meir tid der. Ein ting er vertfall heilt sikkert, me skal tilbake eingang!

Følg med videre på del 2.

Flash Defence Anti-Pollution Mist

IMG_6702

Det er ikkje så lenge sidan denne sprayen dukka opp i butikkane, og siden den gang har den vore eit MÅ HA produkt hos meg. Sprayen beskyttar mot forurensing og andre ytre miljøfaktorar som kan føre til tideleg aldring og sensitiv hud. I tillegg har den ein oppkvikkande effekt og den funkar perfekt som setting spray! Med andre ord ein perfekt bestevenn i kvardagen og med i veska.

Sprayen er fra merket REN som det siste året har blitt mitt favorittmerke. Av fleire grunnar. Dei har heilt fantastiske produkt, og prisen er veldig fin. Som student er det ein ting eg setter veldig stor pris på. Eg vil jo så gjerne ta godt vare på huden min, men samtidig har eg ikkje fleire tusen til rådigheit. Derfor er REN heilt magisk, der får eg nemleg gode produkt til ein pris som ikkje blakkar meg.

Du finner REN hos alle Fredrik & Louisa og diverse apotek.

TILBAKE!

Endeleg eit pust i bakken, og tid til blogg!

Det er så mykje som har skjedd dei siste månadane så eg veit nesten ikkje kor eg skal begynne. I mai jobba eg veldig masse med skule og hadde fem eksamena, samtidig som butikken eg jobba i blei nedlagt, og alt skulle pakkast ned. Med andre ord ein veldig travel månad. I juni reiste me til Bali, og der endte me faktisk opp med å vere i 20 dagar. I tiden etter Bali har me vore heime i Sogn, på roadtrip rundt i Sogn og Fjordane og Møre og Romsdal, på hytta på Jomfruland, og no er eg tilbake i Sogn igjen. Det har vore veldig kjekt, men også veldig travelt. Eg trur me har sove i leiligheiten maks fire netter sidan juni, så no kjenner eg at det skal bli godt med ei rolegare tid framover.

Det som derimot er positivt med at det har vore lite lyd av meg den siste tida er at eg har mykje å ta igjen. Alt fra oppholdet vårt på Bali, anbefalingar, tips&triks, reisemål i Norge og enda meir. Så følg med vidare!

London

I begynnelsen av mai var eg så utruleg heldig at eg fekk reise til London med REN i samarbeid med jobben. Me hadde noken heilt fantastiske dagar med jobb, hygge og god mat! Det er ein del år sidan eg besøkte London sist, og eg hadde nesten gløymt kor utruleg fin og sjarmerande byen er. For London er verkeleg ein sjarmerande by, med både masse å gjer og sjå. Så eg har allerede bestemt meg at eg må tilbake snart.




Me budde på Henrietta Hotel, og herregud for eit kult, gjennomført og fint hotell! Dei hadde faktisk ikkje opna for booking enda når me budde der, så eg var den første som overnatta på rommet. Kor kult er ikkje det? Sjølve rommet var så utruleg lekkert og gjennomført, og badet var som ein draum. Heilt magisk! Hotellet låg ca to minutt fra Covent Garden, så plasseringen var heilt fantastisk.





Det vart ikkje så mykje tid til verken shopping eller turistattraksjonar, men det gjorde faktisk ingenting. Me hadde det så hyggeleg med REN, og dei hadde laga eit heilt supert program for oss. Me blei introdusert for nyheitane som kjem framover, og her har me alle noke å glede oss til! Det kjem ein ny serie for kropp, og den er heilt fantastisk. Me var så heldige å få med oss både body lotion, skrubb og dusjsåpe heim, og eg er forelska allerede. Produkta er rett og slett fantastiske!

4D2BAE63-17D8-4B76-AB03-4F2006803610

Daniel Wellington

Sponset innlegg

Eg huska så godt når eg for ein god del år tilbake fekk mi første Daniel Wellington klokke. Eg var så glad og fornøygd! Den var jo så utruleg fin, tidlaus og klassisk. Derfor var det med stor glede det dukka opp ei ny i posten like før påske. Litt mindre, enda meir feminin, men fortsatt like fin og tidlaus.

Når det gjelder smykker og tilbehøyr er eg veldig glad i dei litt meir minimalistiske tinga, og derfor passa svart med rosegull heilt perfekt! I tillegg var eg så heldig å få med eit superfint armebånd i samme farge. Perfekt i lag med klokka, og fint aleine.

IMG_2888

Sjekk gjerne ut resten av produkta deiras her, og skulle noke falle i smak så har eg i samarbeid med DanielWellington.com fått rabattkoden FLATLAND15 som gir alle 15 % på alle varene til og med 31 mai. Perfekt om ein trenger ein liten trøst i ein tung eksamensperiode, eller vil unne seg noke fint til sommaren.

København

I påsken var eg og mamma i København, og for ein herleg by! Eg har vore der fleire gangar før, men eg føler meg aldri heilt ferdig med å utforske byen. Så å få enda bedre tid denne gangen passa meg heilt perfekt! Det aller beste med turen var nok å endeleg få litt kvalitetstid med mamma igjen. Det var både etterlengta og veldig nødvendig.

Me budde på Babette Guldsmeden, og det var heilt fantastisk. Hotellet har basert seg på eit økologisk / organisk konsept, og det var så utruleg kult og gjennomført. Maten var heilt fantastisk, romma var veldig unike og spesielle, og toalett-artiklane var så utruleg kule! Trur både eg og mamma blei veldig betatt av stilen, og alle dei gode såpene som du fant på rommet. I tillegg er plaseringen heilt fantastisk. Eit par minutt fra Den Lille Havfrue, og ca 7-8 minutt til Nyhavn, maks.



Sidan me valgte å reise midt i påsken var det meste av butikkar stengt stort sett kvar dag, men det passa oss faktisk heilt perfekt! Eg trur me alle har opplevd å gå i den fella med at 80 % av tiden har gått vekk til å rusle rundt i butikkar. Denne gangen fekk me derimot sjå og oppleve litt andre ting, slik som Dyrehaven. Dyrehaven er eit skogsområde litt utanfor sentrum, og der kan ein både rusle på tivoli, vere med på ridetur, eller rusle innover skogen og sjå det fine slottet, og alle hjortane som bur der. Veldig fin og spesiell opplevelse, og ein perfekt pause fra byen.



Ellers er det veldig mykje fint å sjå og gjer i sjølve byen. Den botaniske Have, Tivoli Nyhavn, Rosenborg Slot, Det Runde Tårn, Kastellet, Kongens Have, Strøget og enda meir. Sjølv er eg veldig glad i å faktisk berre rusle rundt i byen. Så mange fine og sjarmerande gater.

Ein anna ting som eg gjerne vil anbefale er Copenhagen Street Food. Det er ein fabrikkhall som har blitt gjort om til ein stor mathall, og du finner allslags mat der. Der kan du kjøpe litt av alt, ein god drink eller ei øl, og sette deg ned og berre nyte livet ei stund. Veldig kult konsept, og fine prisar!






Ein av dei tinga som eg synst er heilt fantastisk med København, sett vekk i fra alt det eg nettopp har skrevet, er all den gode maten. Ein av favorittane mine er 42RAW. Ein veldig populær plass med veldig god mat! Her snakkar me veldig «instagramfood». Me bestilte «brunch» og det er ein tallerken med miks av forskjellige rettar. Pannekaker, søtpotet fries, brød, avokado, musli og enda meir. Med andre ord, ein perfekt start på dagen! Når det kjem til middag endte me faktisk opp med å ete på hotellet to av kveldane, så det var ikkje så mykje me rakk å prøve ut der. Det me derimot rakk var den italienske restauranten Fiat. Ekstremt god mat, bra service og veldig sjarmerande og fint lokal. Eit must er å bestille Caprese til forrett. Det er uten tvil den beste eg har fått servert. Til hovudrett åt me begge pasta, og det supergodt!

I tillegg til desse har er fått anbefalt Mad & Kaffe, Grød, Pluto, Madklubben Bistro, Kødbyens Fiskebar og Aamanns. Så dei skal eg definitivt sjekke ut neste gang!

Avokado toast

Avokado toast er og forblir ein stor favoritt hos meg. Det som er så digg er at ein kan variere «toppinga» fra gang til gang, og dermed er det nesten heilt umulig å gå lei. Her har eg laga to forskjellige variantar. Ein med avokado + løk og tomat, og ein med avokado + spirer og fetaost.

Eit anna tips er å gjerne bake brødet sjølv. For finst det eigentleg noke bedre enn nysteikt brød med godt pålegg? Avokado toast er perfekt som ein god frukost eller ein digg lunch. Server det gjerne med ein frisk juice eller smoothie til.

Verdens beste concealer

BareSkin Complete Coverage Serum Concealer. For ikkje så lenge sidan kom Bare Minerals med ein ny concealer, og eg var veldig spent. Ville den leve opp til forventningane? Eller ville den skuffe meg? Er det ein ting den absolutt ikkje gjorde så var det å skuffe meg. Dette er den beste concealeren eg har prøvd i heile mitt liv. Konsistensen er lett og serum-aktig, men likevel dekkar den heilt fantastisk. Den er perfekt til å både dekke over ureinheitar og ujevnheitar, og for å skjule mørke ringar.

Mange brukar gjerne ein concealer til å skjule ureinheitar, og ein anna til under augene, men på grunn av den lette konsistensen og den fantastiske dekkevna kan denne fint brukast til begge, og dermed trenger ein jo kun ein. Det synst eg er ekstra positivt!

Har du prøvd ut denne? Om ikkje vil eg gjerne anbefale deg å gjer det!

Kjapt, enkelt og godt!

Eg er alltid på jakt etter middagstips, og etter venninna mi tipsa meg om denne retten har det blitt ein ny favoritt. Kjapt, enkelt og utruleg godt! Det einaste du trenger er kylling, pasta, rød pesto, løk, sopp, paprika og ruccola.

Det kan lagast på veldig mange måtar, og eg veit det ligger ein fin oppskrift på Trines Matblogg her, likevel gjorde eg det sjølv veldig enkelt. Eg steikte kyllingen og grønnsakene i ei steikepanne samtidig som eg kokte pastaen. Når pastaen var klar helte eg ut vatnet, tilsatte pestoen og deretter grønnsakene og blanda det godt. Så lagde eg eit par snitt i kyllingen og fyllte med pesto. Til slutt toppa eg det heile med finhakka ruccola.

Om du har noken digge middagstips du vil dele så blir eg veldig glad for det!

Vår på løkka

Endeleg er det blitt skikkeleg vår. Sola skinner, og gradestokken stiger for kvar dag. Det gjer noke med heile humøret, og det visest veldig godt her på Grünerløkka. Gatene er fulle i glade mennesker, det er umuleg å oppdrive eit ledig bord på uteserveringane, men det følest heilt fantastisk. Da veit ein at me nærmar oss sommaren, og ingenting gjer meg meir lykkeleg enn akkurat det.

Ein anna positiv ting med vår er at det fristar meir og meir å skifte ut dei mørke klærne med dei lyse og fargerike. Eg har funne tilbake til denne fine kåpa som eg kjøpte på Lindex for ein god del år sidan, og eg trur denne kan bli ein veldig god venn framover! Det gjer så mykje å få litt fargar, istaden for å gå svart fra topp til tå, som eg gjerne gjer. Så er det noke eg skal bli flinkare til framover, så er det å bytte ut det svarte med litt fargar.